حتى لا ننسى انتهاكات العسكر

حتى لا ننسى انتهاكات العسكر

عرض مفصل لانتهاكات الجيش خلال ال 6 اشهر الماضية موثقة جميعا من خلال الفيديوهات وما لم يوثق بالفيديو يمكنكم التأكد منه عبر الانترنت


*
12 فبراير :

قامت الشرطة العسكرية بضرب مواطنين لفض ميدان التحرير

20 فبراير :

ترحيل عمال ميناء الاديبة ووقفت ام من امهات العمال فى محاولة لمنع عربية الجيش فدهستها ولقيت مصرعها

23 فبراير :

الجيش يهاجم الرهبان العزل فى دير الانبا بيشوى بالذخيرة والصوت ويصيب راهب و 2 عمال احدهم استأصل الطحال

فيديو كامل لاحداث دير الانبا بيشوي بوادي النطرون

25 فبراير :

قامت الشرطة العسكرية بفض الاعتصام وتكسير الخيام والاعتداء بالضرب على بعض النشطاء

فيديو شهادة احد المعتدين عليهم

6 مارس:
الجيش يشاهد صامتا هدم كنيسة صول بأطفيح .
فى نفس اليوم قام الجيش بتفريق اعتصام لاظوغلى بالقوة

فيديو الجيش يفض اعتصام لاظوغلى بالقوة

8 مارس :
اعتداء الجيش على المتظاهرين امام وزارة الداخلية فى نفس الوقت الذى هجم فيه بلطجية على التظاهرة وتم احتجاز 27 متظاهر


9 مارس :
فض اعتصام التحرير واعتقال وتعذيب الشباب بالمتحف والكشف على عذرية المعتصمات

فيديو فض اعتصام 9 مارس وشهادة رامى عصام على تعذيبة

فى نفس اليوم قام الجيش بمشاهدة البلطجية يتحرشون بأهالى منشية ناصر ثم تدخل بهدم بيوت اهالى المنشية وحرقها واستخدام الرصاص الحى


14 مارس :
الجيش يفض اعتصام الاقباط امام ماسبيرو بالقوة مدعيا انا الاعتصام قد فض


15 مارس :
ضرب مسيرة سلمية خرجت تندد بما حدث من فض لاعتصام ماسبيرو 14 مارس بالقوة وضرب النساء بالعصى والعصى الكهربية




24 مارس :
الجيش يفض اعتصام طلبة اعلام بالقوة داخل الحرم الجامعى

فيديو فض اعتصام طلبة كلية الاعلام الدقيقة 5:20 واصابة احد الفتيات

7 ابريل :
فض اعتصام عمال غزل المحلة بالقوة والمعتصمين من يوم 16 فبراير


8 ابريل :
فض اعتصام ضباط الجيش فى التحرير بالذخيرة وراح ضحية هذا اليوم الشاب على ماهر 15 سنة

وتم اعتقال 9 من ضباط الجيش المعتصمين

فيديو فض اعتصام 8 ابريل

5 مايو :

فض اعتصام كفر الشيخ لاقالة المحافظ بعد تجاهل اعتصام قنا الطائفى

8 مايو :

الجيش يقف خارجا منتظرا انتهاء المذبحة على خلفية امبابة دوت تدخل لانقاذ مسلم او مسيحى

14 مايو:

الجيش والشرطة يتركوا تأمين اعتصام ماسبيرو الثانى تمهيدا للهجوم الارهابى على المعتصمين

15 مايو :

استشهاد رامى فخرى برصاص الجيش

16 مايو :

الجيش يبطش بشباب قاموا بوقفة اما سفارة اسرائيل فى ذكرى النكبة واصابة عاطف يحيى برصاصة فى الرأس

فيديو احداث السفارة الاسرائيلية

فيديو شهادة والدة اصغر معتقل فى احداث السفارة -محمد سعيد-

19 مايو :

الجيش يعتقل نشطاء من رابطة شباب ماسبيرو امام كنيسة عين شمس بعد محاولة فتحها

18 يونيو :

الجيش يعتدى على وقفة سلمية امام وزارة الدفاع احتجاجا على اعتقال ظباط 8 ابريل

28 يونيو :

الجيش يغيب عن مشهد مهاجمة الامن المركزى لشباب التحرير ويتم القبض على اخو شهيد

فيديو الشرطه تسب المتظاهرين فى أحداث التحرير +18

Tahrir, June 28 معركة التحرير 28 يونيو مع حوارات و شرح

فى هذا اليوم تم اعتقال الناشط السياسى لؤى نجاتى

8 يوليو :

فض اعتصام الفلاحين بشارع القصر العينى بعد توجيه تهمة حيازة اسلحة خشبية

10 يوليو :

الجيش يفض اعتصام ابناء السويس بالقوة

فيديو الجيش يفض اعتصام أبناء السويس بالقوة

23 يوليو :

احداث العباسية وحصار الجيش وانتظار البلطجية المسيرة فى الشوارع الجانبية ونتج عنه استشهاد محمد محسن

موقعة العباسية اليوم 23 يوليو

منى الشاذلي و فيديو يوضح من الذي يضرب المتظاهرين من فوق الاسطح

1 اغسطس :

فض اعتصام 8 يوليو بالقوة واقتحام مسجد عمر مكرم من طرف الجيش بالبيادة

فيديو فض إعتصام ميدان التحرير 1-8-2011

8 اغسطس :

الجيش يفض افطار التحرير ويعتدى على الموجودين

#TahrirIftar فيديو افطار التحرير ٥ اغسطس

فيديو عبير العسكرى ونسرين بعد اعتداء الشرطة العسكرية

12 اغسطس :

الجيش يتحرش بإحتفالية فى حب مصر ويمنع دخول الصينية

14 اغسطس :

استدعاء الناشطة اسماء محفوظ للنيابة العسكرية بتهمة سب المجلس والتحريض على العنف

للمجلس البتنجانى 1

المجلس البتنجانى احلى تحيه ليك من واحد شارك فى ثورة الشعب المصرى
الثورة اللى سرقتها واخدتها لحسابك وعمال بيها تذل اهالينا وتقولنا انا اللى حميت الثورة
بأمارة ايه يامجلس قلل ؟؟؟؟
بامارة ان مفيش اى حاجه من مطالبنا اتحققت ؟؟؟ ولا بامارة انك لحد الوقت لسه بتحمى المخلوع ابن المخلوعه ؟؟؟ ولا بامارة اخواتنا اللى اتسحلو ايام مبارك واتعرضوا للموت ميه مرة ايام الثورة وتيجى بقللك تحاكمهم عسكرى ؟؟؟؟
انت اصلا شغلتك تحمينا بتاخد فلوس اخر الشهر عشان تحمينا مش جبايه منك ولا حاجه ؟؟؟
اللهى يتشك فى معاميعه اللى قال يوم 28 واحد اتنين الجيش المصرى فين ؟؟؟ كنا فاكرينك هاتحمينا من الشرطه لكن للاسف سبتنا طول 6 شهور نتسحل من شرطتك العسكريه كانك يابو زيد ماغزيت !!!!!!!!!!!!!!
حسبى الله ونعم الوكيل فيكو
يارب زى ما قدرتنا نشيل ام الكلب
خلينا نشيل امهم

قصه للصديقه مروة سلام

حدث في رمضان: ميدو والنمر (:

كان ياما كان من كام سنة كده مش من زمان وفي أحد أيام شهر رمضان جت ماما بعد صلاة التراويح وقالت لي "اعملي حسابك بكرة إن شاء الله طنط عيشة جاية تفطر معانا هي وجوزها عمك حامد".
طبعا الخبر نزل عليا ولا خراطيم الأمن المركزي على الثوار يوم 28 يناير علشان أنا عارفة كويس طالما طنط عيشة جاية يبقى مش باين لها مرواح الشغل اليوم ده وهقوم طبعا من صباحية ربنا اتزرع في المطبخ طول اليوم ...لكن أعمل ايه طالما الجنرال رئيس الأركان اللي هو ماما أصدر الأوامر لا أملك إلا الطاعة.
ده غير طبعا انكم متعرفوش طنط عيشة صحيح هي طيبة قوي انما رغاية بشكل لدرجة أن لو أحمد حداد عايش كان اعتبرها ملهمته الخاصة ويوم ما بتتصل بماما في التليفون بعرف أن المكالمة لما تكون مختصرة وموجزة مش هتقل بأي حال من الأحوال عن ساعة ونص.
اه نسيت أقول لكم انها قريبة ماما من بعيد صلة قرابة كده من اللي الواحد ميعرفلهاش أول من آخر يعني ممكن تكون بنت عم خالة ابن عم ماما أو مرات أخو عم ابن خالتي حاجة كده سيبكم منها ونرجع لموضوعنا
قلت لها حاضر يا ماما، قالت لي كده بلهجة معينة عارفاها كويس "خلي بالك ميدو جاي معاهم"
"أهلا وسهلا هي يعني جت عليه بس ميدو مين يا ماما"
بصت لي باستنكار كده وقالت لي مش عارفة ميدو يعني الدكتور أحمد ابنها طبعا
ااااااااااه قلت لي الدكتور أحمد ابنها!!!! على أساس أشهر من نار على علم أول ما تقول لي ميدو اعرف على طول والله افتكرتك بتتكلمي عن حفيدها عماد اللي عنده 5 سنين
المهم حسيت أن ماما هتطق مني قلت يا بت ما بدهاش اخفي دلوقتي من قدامها ولما يجي بكرة يسهلها ربنا ولو اني قدرت اخمن حكاية ميدو جاي دي معناها ايه ربنا يعدي اليوم ده على خيرررررر
طبعا مش محتاجة أقول إن بكرة ده لما جه قضيته كله في المطبخ لحد قبل المغرب بساعة كده لقيت ماما جاية تقول لي الضيوف وصلوا روحي غيري هدومك وتعالي سلمي عليهم، بصراحة اتغاظت قوي هي عايزاني اقف في المطبخ ولا اقعد مع الضيوف اقطع نفسي يعني؟؟؟؟ قالت لي سيبي كل حاجة وتعالي بس والبسي حاجة كويسة كده.
خرجت روحت الأوضة عندي وشديت أول حاجة طلعت في ايدي من الدولاب وكانت العباية اللي بلبسها لما بنزل افتح الباب للمكوجي ولبست أول حجاب طلع في ايدي برضة وخرجت وقبل ما أوصل الصالون لقيت ماما جاية جري عليا ووشها 100 لون!!!!!!!
"ايه يا بنتي اللي لابساه ده أنتي هتسلمي على الضيوف ولا على محصل النور؟؟؟؟ عوض عليا عوض الصابرين يا رب!!!!!!!!" وجرتني من ايدي للأوضة وطلعت لي طقم خروج كامل وأنا مش بكره في حياتي قد لبس رسمي في البيت لكن أعمل ايه محدش فيكم جرب يقول لماما لا قبل كده (:
سلمت أمري إلى الله وخرجت أسلم على طنط عيشة وعم حامد وبسلامته سي ميدو.
على فكرة دي كانت أول مرة أشوف فيها طنط عيشة من حوالي 10 سنين كده المهم الست استقبلتني استقبال حار جدا وازيك يا حبيبتي ماشاء الله بقيتي عروسة قمر سلمت عليها وعلى عم حامد انا بحترم الراجل ده قوي رجل طيب كده بنى نفسه بنفسه ودائما كان بيفخر انه كان مجرد موظف حكومة وربنا فتح عليه وقدر يشتري ماكينة بلاستيك صغيرة وخطوة بخطوة اتحولت لمصنع والمصنع بقى 3 مصانع خلال آخر 10 سنين ومع ذلك رجل بسيط جدا متواضع جدا محبوب من طوب الأرض وبابا بيعزه قوي ودائما بيذكره بالخير.
وجه وقت السلام على ميدو........ انطباعي عنه؟؟ واحد حاطط سماعة بلوتوث في ودنه ولابس قميص نص كم وعليه كرافته وكل جملة يقولها يحشر 10 كلمات انجليزي فيها (ده أنا اللي دارسة لغات عمري ما عملتها)!!!!!! لا وايه بيتكلم الانجليزي بطريقة سمير صبري في فيلم شنبو في المصيدة لما كان اسمه "ممس"
أول حاجة قالها سيادته انه اعتذر علشان اتأخروا بس هو السبب علشان أصر يشتروا شيكولاتة من لابوار مش من أي محل تاني هم مش بيتعاملوا إلا مع أرقى المحلات!!!!
وقعد بقى يحكي عن الجامعة الخاصة اللي درس فيها صيدلة وازاي انه رفض تماما يدرس في جامعة حكومية علشان مش بيطيق الزحمة وازاي يقعد في مدرج فيه ألف طالب ده مناخ دراسي unhealthy خالص زي ما هو بيقول (نسي أن باباه كان حكى لبابا كل حاجة عن مجموعه الصغير في الثانوية وانه اضطر يدخله جامعة خاصة مصاريفها بالشيء الفلاني علشان يتخرج من كلية محترمة) المهم عملت فيها عبيطة وسبته يحكي (واضح انه وارث مامته) لحد ما سألني مش عارف انتي ازاي درستي في جامعات الحكومة دي حاجة unbearable بجد!!!!!!
لو كنتوا فاكرين اني سكت تبقوا متعرفونيش قلت له ما هو مش الجامعات بس دي المدارس كمان زحمة قوي عندك مثلا مدرسة زي شبرا الخيمة الثانوية بنين كنا نشرنا تحقيق عنها ومعاها مدارس تانية وازاي بيشتغلوا 3 فترات من شدة الزحام.
لقيت اتنفخ قوي كده وقال لي "عملتوا عنها تحقيق صحفي دي كانت مدرستي على فكرة!!!" ابتسمت ابتسامة صفرا كده وقلت له "اه ما أنا عارفة" طبعا مفهمش قصدي بس بابا فهم ولقيته بيبتسم كده من تحت لتحت ااااه الله يرحمك يا بابا الوحيد اللي كان فاهمني في الدنيا دي.
كل ده وطنط عيشة قاعدة تبص لنا بتأثر قوي وخلاص الدمعة هتفر من عينيها على منظر العصفورين الحلوين اللي لايقين على بعض قوي (في أحلامك طبعا يا طنط).
المهم جه وقت آذان المغرب ورحنا أوضة السفرة لقيت المحروس بسلامته واقف مستني يشوف هقعد فين علشان يلزق جنبي اللهم طولك يا روح!!!! شديت الكرسي لقيت جه يقعد على الكرسي اللي جبني وبيشده مش قادرة اوصف لكم المنظر ده يتشاف بس مش يتوصف!!!!على الكرسي كان قاعد نمر طبعا مش نمر حقيقي نمر ده اسم القط بتاعي وعلى الرغم من انه كان عسول جدا لكنه كان اسم على مسمى حاجة كده ملظلظة ولونه مشمشي وكان بابا بيعتبره قط حراسة من شدة شراسته على أي حاجة (وأي حد غير اهل البيت) طبعا ميدو افندي ميعرفش ان الكرسي ده هو المكان المفضل اللي بينام فيه نمر واللي أنا مكنتش اعرفه ان ميدو بسلامته بيخاف من القطط!!!!!!!!!!!!!! قلت لنفسي والله فرصة اتسلى عليه شوية بتاع unbearable ده
أنا لقيته شاف نمر من هنا واتنطر للوراء 3 متر وتوتر جدا وقال "ايه ده القط ده بيعمل ايه هنا؟؟؟؟؟" قلت له ده القط بتاعي وده مكان نومه الحقيقة كنت نسيته خالص
قال لي بفزع انتي بتربي قطط؟؟؟؟؟؟؟ قلت له اه في مشكلة؟؟؟؟ قال لي أنا بكرههم جدا مشيه من هنا
كل ده ونمر قاعد متسلطن على الكرسي وبيبص له من بعيد لبعيد كده كأنه بيدرسه علشان يقرر يعض ولا يخربش ولا يقول ده غلبان سيبك منه (: وحسيت ان ماما على وشك انها تخبطني أنا ونمر بأي حاجة تيجي في ايدها علشان كده آثرت السلامة وقمت شايلة نمر دخلته جوه
قعدنا نفطر بس ميدو يا حرام كان متوتر جدا وكل شوية يبص وراه زي ما يكون متخيل أن نمر هيجي ينط على قفا جنابه وهو قاعد (:
بصراحة نمر مكدبش خبر شوية ولقيته جاي وبيتمسح فيا صاحبنا شافه جاله هلع وقال لي هو رجع تاني ليه؟؟؟؟؟؟ قلت له عادي يعني هو متعود يلف حواليا كده قال لي طيب هو بيعض؟؟ قلت له لا ممكن أحيانا لما يكون جعان بس قال لي طيب هو أكل (هو كان أكل فعلا وشبعان) قلت له لا تصدق نسيت أأكله؟؟؟؟؟؟؟ طبعا كان في حالة يرثى لها ومكدبش خبر أول ما لاقاني دخلت المطبخ ونمر طبعا دخل ورايا قام جري على أوضة الصالون وطبعا تقريبا مأكلش حاجة من شدة الخوف من قط!!!!!!!!!
ثواني بعد ما دخلت لقيت ماما جاية ورايا وحسيت انها هتخنقني قالت لي احبسي المدعوق ده (تقصد نمر طبعا) في أي أوضة وإلا هرميهولك في الشارع.
زعلت طبعا ليه كده يا ماما تحرميني من تسلية زي دي؟
المهم حبسته طبعا مش خوف من ماما لكن خوف على نمر "من غضب ماما" ورحت الصالون.
أول ما شافني ميدو بص ورايا وقال لي هو فين؟؟؟؟ قلت له هو مين (وأنا عارفة طبعا قصده على ايه)
قال لي القط قلت له ااااااه لا ده جوه في الأوضة تحب اجيبهولك؟ ده شكله حبك خالص
بص لي بذعر ولا كأني بكلمه وماسك له في ايدي سكينة عم عابدين الجزار وقال لي لالالالالالا خليه كده كويس.
شوية وبابا أخد عم حامد ونزلوا يصلوا العشاء والتراويح (استغربت هو ليه منزلش معاهم؟؟؟؟) ما علينا
قعد طبعا يتكلم براحته خالص بأسلوب ممس بعد ما اطمن ان نمر مش هيعضه (: أنا بقى كنت مفروسة من كلامه خاصة لما قعد يقول لي صحافة ايه وبتاع ايه انتي تتجوزي كده وتقعدي "تخدمي" جوزك يعني هم بيدوكي كام أكيد ملاليم!!!!!!
طبعا ملقتش حل أخلص به من البث المباشر ده هو ومامته اللي استلمت ودن ماما إلا اني اقوم افتح باب الأوضة اللي محبوس فيها نمر بشويش خالص ورجعت بمنتهى البراءة ولا كأني عملت حاجة ومفيش دقيقتين لقيت نمر في أوضة الصالون لا وايه ساب كل الكراسي ومعجبهوش الا الكرسي اللي جنب المحروس ميدو
التاني طبعا أول ما شاف نمر وهو قاعد ومتربع على الكرسي جنبه وعمال يبص له حسيت انه عرق ومبقاش مجمع خالص!!!! وواضح كده والله أعلم أن نمر كمان حب يتسلى شوية باللي مرعوب منه ده قام اتمشى على الترابيزة الصغيرة اللي بين الكرسيين وهوب نط على رجله
حد قبل كده سمع عرسة وقعت في مصيدة صوتها بيكون عامل ازاي؟؟؟؟؟ أهو ده كان صوت ميدو وهو عمال يتنطط ويصرخ بعد نمر ما نط على رجله ولقيته جري ووراه مامته طبعا من الأوضة ومامته عمالة تقول لماما معلش يا حاجة أصله يا حبة عيني "مش بيحبهم خالص"
وخلصت الزيارة على كده ومش عايزة أقول لكم إن نمر أصر يودعه لحد باب البيت تحت ليه معرفش!!!!!!!!
بعد الزيارة دي بكام شهر لقيت ماما جاية تقول لي طنط عيشة اتصلت قلت لها ماشي وأنا مالي يعني؟ قالت لي بغيظ كانت بتعزمنا على فرح ميدو سألتها بدهشة ميدو مين؟؟؟؟؟؟ قالت لي ميدو يا هانم اللي طلقتي عليه القط لحقتي تنسيه هيتجوز فيفي!!!!!! يا دي النيلة فيفي مين يا ماما؟ انفجرت في وشي وقالت لي أهو ده اللي انتي فالحة فيه ولا عارفة حد خالص في العيلة فيفي فاطمة بنت خاله قلت لها آآآآآآآه فاطمة بنت عم عبد الصبور المحامي وماله دول حتى لايقين على بعض خالص مش فاطمة دي اللي بتقول سباح الخير يا تنت برضة وحاطة عدسات بنفسجي وضاربة شعرها بأنبوبة اكسجين لما بقى لونه اصفر مخضر؟؟؟؟ ما جمع إلا ما وفق
بصت لي ماما بغيظ وكنت حاسة ان الخطوة الجاية هلاقي نفسي ماشية من غير رأس وقالت عوض عليا عوض الصابرين ياا رب أنا قلت لأبوكي من زمان بنتك دي مش طبيعية اعمل ايه بس فيكي؟؟؟
مامتي حبيبتي طبعا نموذج للأم المصرية العتيدة اللي عايزة لبنتها عريس لقطة بس أقول لكم أنا بقى عن نفسي ماشية بشعار عمنا دانيال ديفو الأديب الانجليزي الكبير اللي بيقول "to be well married or not to marry at all"
حبة انجليزي بقى من نفسي اشمعنى أنا يعني مش كده ولا ايه؟؟؟؟؟؟؟