الارمله الحزينه.. بقلم الصديقه منى سامى

ارتفعت أصواتهم صاخبة وهم يحتفلون في شقتهم القديمة ترقبهم عينا أمهم وهي مبتسمة قريرة العين وكانت المناسبة أن مكنتهم المحكمة أخيرا بعد عناء سنوات من الشقة القديمة التي جمعتهم أخيراوقد كسبوا القضية ضد حسن البلطجي الذي استولي علي الشقة لسنوات وبسبب مواجهتهم له في المحاكم طاردهم في أرزاقهم  وخاصة الأخ الأكبر اسلام وألقي أخيهم الأصغر عبد الجبار في السجن وأثناء حفلهم الصاخب حضر عمهم حسين وكان عقيد متقاعد ليشاركهم حفلهم نظروا اليه جميعا بغضب فقد كان شريك البلطجي صاحب البيت ولم يفعل أي شئ لنجدتهم منه ولكن  اسلام هب اليه وهو يغمز لاخوته أهلا يا عمي اتفضل وأجلسه علي الكنبة الكبيرة وسط الصالة وبعد أن شرب العم الشاي قال:انتوا ناويين علي ايه ..هم كل منهم أن يرد في وقت واحد فلم يكن هذا السؤال قد أجمعوا له علي اجابة ولكن عمهم بادرهم قائلا :فيه حلين لاصلاح الشقة   ..الأول ترمموا الحمام الأن لأن المية حتوقع السقف وبعدين لماظروفكم تتحسن تبقوا تصلحوا الشقة كلها..والحل التاني انكوا تقعدوا مع بعض وتلموا قرشين وتبدأوا تصليح الشقة كلها..وقبل أن ينطق أي منهم بادرهم مرة ثانية :مين موافق علي الحل الاول فوافقوا جميعاالا أخيهم الأوسط علوي  وقام العم منصرفا وهو يقول خلاص اتفقنا وأوعدكم اني حخرج عبد الجبار من السجن في أسرع وقت ..ذهب علوي الي صديقه الاستاذ برعي المحامي وكان هو من نصحهم برفع القضية التي كسبوا بها البيت..فقال لهم اياكم وهذا الفخ ..عمكم عنده اوراق البيت كلها ونفوذه في الحتة أكبر من البلطجي العجوز ..وسيؤدي ذلك الي استئثار اسلام بالبيت ..هو الكبير والأقرب الي عمكم وأنت عارف ..فأطرق علوي وهو يتمتم :عارف عارف..وخرج من عند الأستاذ برعي فوجد أخيه اسلام خارجا من مكتب عمه فقال في نفسه برعي عنده حق وذهب الي البيت فاذا صياح وشجار وعندما دخل وجد  العم قد نفذ وعده واخرج عبد الجبار من السجن كان منظره غريبا طويل اللحية عبوس الوجه يتشاجر مع أخوته فأحس أن عمهم بدأ في ضربهم ببعض وقرر أن يذهب اليه فورا..يا عمي أنت تعرف أن حجة البيت بالطريقة التي كتبها والدي تجعل اسلام يفوز بنصيب الأسد وده مايرضيش ربنا ..العم مبتسما:وبعدين ..رد علوي نريد حجة جديدة تتوزع فيها الانصبة بالتساوي وتحمي حق الصغار حتي يكبروا..رد العم :وأنا موافق ياسيدي بس ياتري أخواتك حيوافقوا..سيبني أنا أقنعهم..يا ولاد علوي طلب مني أغير حجة البيت لأن الحجة القديمة مش عاجباه ..نظروا جميعا لعلوي الذي قال أنا مقولتش كده بالضبط ..صرخ اسلام من ورانا يا سافل..وصرخ علوي أنا برضه اللي بروح مكتب عمكم من وراكم؟وصاح عبد الجبار صيحة اهتزت له جدران الحي والأحياء المجاورة اللي حيقرب من حجة البيت حقطعله ايده وابتسم العم ابتسامة عريضة وخرت الأم مغشيا عليها..جري الابناء بأمهم علي المستشفي وبعد الأشعة المقطعية والرنين المغناطيسي قال الأطباء أمكم سليمة تماما واستعادت وعيها وتقدروا تاخدوها علي البيت بس ..صاحوا جميعا بس ايه ..لقد فقدت النطق..جلسوا حول أمهم في وجوم وجاء طبيب أعصاب شاب مبتسما وقال في هدوء ايه الحكاية ..أمكم ليس بها أي مرض عضوي عندها صدمة عصبية ممكن أعرف قصتها بالتفصيل ..حكي علوي ما حدث فقال الطبيب لابد ان تراكم معا تضحكون كعهدها بكم حتي تستعيد النطق..ذهبوا بها الي البيت وهي علي حالة الذهول والشرود تلك وقاموا يتحدثون في الصالة همسا ثم تعالت أصواتهم مرة أخري..أستاذ برعي ده هو اللي خربها ده راجل غريب يعرف ايه عننا..انت اللي السجن خالاك بلطجي ويعن انت اللي قاعد تلحس جزمة عمك اللي ....وتدحرجت دمعة علي خد الأم ..وحينها ارتفعت موسيقي من راديو الجيران جمدت الدم في عروقهم ..أنهم يعرفونها جيدا منذ طفولتهم ..أنها فايزة أحمد تغني ست الحبايب..أغروقت أعينهم جميعا بالدموع ونظروا الي أمهم واتجهوا الي باب الشقة قاصدين مكتب عمهم قبل ان تبدأ فايزة أحمد في الغناء

اصنام ( شعر على قدى كدة ههههه)

 لستم آلهة..
ولا كنتم من الإله مفوضين
 حتى تقهروا شعوباً وتقلبوا للعدالة موازين
 ولا دانت لكم الإمارة حتى تكونوا فى الأرض مخلدين ..
 فإلى الأرضِ نعود..
 وقد خلقنا جميعا من طين..
 لسْنا عبيداً لديكم..
 ولا كنا أنعامًا مسومين
 ولكِنّا أحرار بالقهار موحدين
 كيف تأمرون قوما لله عابدين؟ وتحاربون بسلاحِ البطش متمسكا بالدين!
دانت لكم الدنيا..
 لم تكونوا يوماً منصفين
خلقتم  لنا الفقرَ وأنتم فى الملذات غارقين
فى بلاد  بطونها حبلى بكل غال وثمين بين الأرامل والشيبان وشباب فى طريقهم تائهين 
يمخرون العباب غرقى لبيوتهم عائدين

الا تأمرون بالدين ؟؟؟؟
الا تأكلون لحم اليتيم  الا تحاضون على طعام المسكين ؟؟؟
ازلناكم من على الارض ايها الملاعين 
وايما ملعون قادم 
فلا له عندنا الا سكين

قصيدة الكلاب اهداء لمجلس الانس

اهداء لمجلس القلل المجلس البتنجانى الموقر
===== قصيدة الكلاب ========

الكلاب.. تسكت.. وتنبح
الكلاب.. تقفل.. وتفتح
الكلاب.. تمنع.. وتسمح
والكلاب.. تخسر.. وتربح
نبحها فى الليل غريب
صمتها دايما مريب
ع البيبان واقفة مناوبة
بِشْمة لا تشبع مِتاوْبة
لو أكلت اللقمة تنبح
لو رميت اللقمة تنبح
لما تتاوب مابتداريش نيابها
لما نسكت تبقى هادية
لما نتكلم تعبر
!!- فى وضوح - عن اكتئابها
علمتنا لاكتئاب..
الكلاب
***
لما بتعدِّى... نوسّع
لو نناقشها تسرسع
!!الكلاب تنبح ولكن مش بتسمع
أى كلمة لو نقولها
تتنفض.. ترفع ديولها
قد ما تضيق الحياة قدام عيوننا
.قد ما قدامها توسع
.لما بتشوفنا تبصبص
فى الحوانيت الرخيصة تحتقونا
.لما نسأل ع اللى أرخص
عارفة أحوال الجميع
..من غير سؤال
.من غير ما تفحص
ليها نظرة لا تَخيب
نبحها دايما غريب
صمتها قاسى مريب
كل ما اتناصحنا بنلاقيها أنصح
كل ما نسكت نلاقى سكوتها أفصح
فى العراك تعرف تحارب
فى البُرص تعرف تضارب
تشرب فى الأسواق بتتمايل
..وتغلب أى شارب
قاعدة على أعلى المكاتب
نايمة على أغلى المراتب
دخلها عمره ما ينقص
لو نجحْت تقف فى ريحك
لو تموت عارفة ضريحك
لو وقفت لها تزيحك
الله غالب
الله واخد الله جايب
واللى جاى هوهّ اللى انْقَح
..موتَّوا حلم الأحبة والصحاب
الكلاب
***
لو تعضك إوعى تحدفها بطوبة
!!القوانين للعقوبة
والكلاب أم الخصوبة
ليها أطفال عُمى بكرة يفتّحوا
وينبحوا
من غير صعوبة
يخرجوا طوفان على قلب المدينة
إللى مالهاش حاجة فينا
.يخرجوا طوفان يحِرُّوا برد طوبة
واحنا ما فى اليد حاجة
سُذَجا.. آخر سذاجة
ماكتشفناش انها نباح وعض
.كان بقى لنا قصور ومال ياما وأرض
بس لو كان علمونا كُرْه بعض
كان زماننا بننجحوا
كان زماننا بنسكتوا وبننبحوا
وبقفلوا.. وبنفتحوا
زى الكلاب

==== حبيب هارتى =====
عبدالرحمن الابنودى

عرفيه دى تبقى خالتك

ل يومين يطلعلنا بهيم يقوللك مش عايزين نوصل لدرجة إعلان الأحكام العرفيه ومش هنستحمل ومش عارف إيه ويجيبولك خبيز استراتيجو يقعد يغني علي الأحكام العرفيه وخلافه ، ولكل ناطق بلسان هؤلاء أحب أقولله : عرفية دي تبقي خالتك

ونبص مع بعضينا علي ديباجة القانون رقم  162 لسنة 1985 :

قرار رئيس الجمهورية العربية المتحدة بالقانون رقم 162 لسنة 1958 بشأن حالة الطوارئ

باسم الأمة

رئيس الجمهورية

بعد الاطلاع على الدستور المؤقت؛
وعلى المرسوم التشريعي رقم 150 الصادر في الإقليم السوري بتاريخ 22/6/1949 المتضمن تنظيم الإدارة العرفية؛
وعلى القانون رقم 533 لسنة 1954 في شأن الأحكام العرفية الصادر في الإقليم المصري والقوانين المعدلة له؛
قرر القانون الآتي

1-      يعمل بالقانون المرافق في شأن حالة الطوارئ. 

2-      يلغى المرسوم التشريعي رقم 150 الصادر في 22/6/1949 والقانون رقم 533 لسنة 1954 المشار إليهما وكذلك كل نص يخالف أحكام هذا القانون.

3-      ينشر هذا القانون في الجريدة الرسمية, ويعمل به في إقليمي الجمهورية من تاريخ نشره.

ولو لاحظت حضرتك هتلاقي إن قانون إعلان الطوارئ صدر بإلغاء القانون رقم 533 لسنة 1954 في شأن الأحكام العرفية وقرر ف المادة 3 منه إلغاء القانون رقم 533 لسنة 1954 في شأن الأحكام العرفيه ..يعني قانون الأحكام العرفية عندنا اتلغي وحل محله قانون الطوارئ اللي هوا مطبق في مصر من أكتر من تلاتين سنة بلا انقطاع ، وإن الكلام عن إعلان الأحكام العرفية مجرد أسطورة زي أسطورة التنين البمبي بالظبط لأنه لا فيه حاجه في مصر اسمها قانون أحكام عرفيه ولا فيه حاجه اسمها التنين البمبي ،