إرجع .. إرجع ... شيلوه .. حد معاه خل ... إسعاف يا إخونا .. مفيش شبكة اصلا .. ياولاد الكلب ..بيقولوا فى مشتشفى ميدانى .. مفيش وقت .. روح بيه علي الدوبارة جايز حد هناك يسعفة .. مش هايخشوا الكنيسة صدقنى .. محدش يخش الشارع دة .. الداخلية هتلف علينا من الناحية التانية .. بيضربوا حي .. بيضربوا حي ... يارب .. يارب .. واحد مات .. واحد مات ... إرجع بسرعة ... إرجع بيضربوا خرطوش ..الداخلية قدامنا هناك ...ماتحطش ماية على عنيك عشان الغاز ... خلي بالكم بيمسكو الناس عند ميدان سيمون... بيمسكوا الناس فى القصر العينى .. دخان .. دخان يسد الرؤية .. أصوات رصاص .. رصاص .. صاحبى مات .. صاحبى مات .. مش وقته قوم شوف اللى اتصاب .. دموع .. دموع .. حضن من واحد متعرفوش .. إجرى انت انا فى ضهرك .. .. طوبة ع الارض .. ياولاد الكلب .. مش هاجرى .. دموع .. قنبلة غاز سخنه فى ايدك .. كحة كحة كحة فى كل مكان .. هرج .. يارب .. صوت رصاص بيدوى من مكان ما .. احنا هانموت مش كدة .. لاء مش هانموت _ وانت بتعيط _ بس اقف على رجليك .. مترجعوش لو رجعتوا هانموت .. محدش يركب اسعاف بيقولوا بيخطفوا العيال .. والله الناس هاتنزل .. قنبلة غاز تانية .. خرطوش فى كل مكان .. ناس بتقع .. دم ع الوشوش .. مفيش حد جه محدش هايموت غيرنا .. دموع .. ايد واحد متعرفوش بتشد ايدك .. مناخيرك بتسيل مش عارف من الغاز ولا من عياطك .. دم فى كل حتة .. واحد بيجرى وشايل كان مخروم وبيرش على وشك .. بيقولوا كويس للعين .. اشتبكات مع الامن المركزى .. عصاية على راسك .. دم .. دم فى كل حته .. واحد مات .. واحد مات .. لاء لسة فيه الروح .. إسعاف يا أخوانا .. مفيش شبكة .. الواد هايموت .. صراخ هيستيرى من كل مكان ... بقولك مافيش شبكة مافيش شبكة مافيش شبكة ... شيلوة .. فين ؟ معرفش .. معرفش .. دموع .. دم .. دخان من كل مكان .. صراخ .. صراخ من كل مكان .. أشهد ان لا اله الا الله .. هى النهاية اذن !
هي النهاية إذن..
ردحذفيادي الحزن :(
والله حزن فعلا .. حزن في كل حاجة ..حتى لو بصيت للميدان في صورة قلبي بيتعصر من الالم .. ربنا يرحمهم ويرحمنا ويغفرلنا تقصيرنا فى حقهم
حذف